كود الرباط//

كود سولات باحثين ومثقفون وكتاب على رأيهم ورؤيتهم لحرية التعبير والحريات الفردية فالمغرب، كانت تفاعلات إجابية وتصريحات فيها نقط مهمة، بحيث كشفات التصريحات على نسبة مهمة من الوعي بين فئة المثقفون والكتاب والباحثون اللي اكيد غيكون عندهم تأثير كبير على المجتمع وباقي الفئات الاخرى، وكاين وشباب واعي اللي دار قطيعة مع الصور النمطية والعقد والعادات والتقاليد القديمة.

و من أهم التصريحات، تصريح للطبيبة والكاتبة سعاد الجامعي اللي قالت أن الكتاب اللي كتبات كتباتو باش المغاربة يتخلصو من الصور النمطية القديمة ويوليو متفتحين “.

والتصريح الثاني لعبد القادر رتاني اللي قال,” الحرية ضروري خصها تكون”.

بالإصافة لتصريح مهم لزائرة فالمعرض اللي تطرقات لمسألة مهمة اللي هي علاقة الحرية بالإنتاج والتفكير وقالت ن الحرية شرط مهم للإنتاج والتفكير، مضيفة,” أن الحرية ماشي نخبوية ولكن لكلشي وأضافت, أنه” الى مكانتش حرية التعبير وحرية الرأي منقدروش لا ننتجو ولا نفكرو ولا نعبرو”.

بالإضافة لتصريح للصحفية فدوى مرابط لي أكدت على أن غياب الحرية فالمجتمع كيعطينا مجتمع منافق كيمارس اللي بغا فالخفاء وكيتظاهر بالعكس قدام الناس بحيث قالت، ” ان المجتمع المغربي عامر تناقضات ، وأضافت,” انه جات الوقت فاش خص يكون مجتمعنا منفتح واللي يبغا يمارس شي حرية يمارسها مع احترام الأخلاق العامة”،

وصرحات زائرة وطالبة قانون، انه خصنا نعطيو للحرية الفردية أولوية ونعطيوها حقها حتى فالتطبيق ماشي غير قوانين مكتوبة وصافي”.

وأشار الكاتب حسن نجمي فتصريح ليه لكود، ان الوضعية ديال المرأة المغربية فمسألة الحريات تغيرات بالمقارنة مع الماضي منذ اقرار الدستور المغربي 2011″.