وكالات//

حوًل البوليس التركي بنت المغنية “غول توت” المعروفة بلقب “غوللو” لسجن آخر، من بعد ما تعرّضات للعنف من طرف سجينات اللي اعترضو على وجودها معاهم، من بعد ما تشدّات بتهمة قتل أمّها.

وحسب قناة “إن تي في” التلفزيونية التركية، نقل البوليس الأربعاء البنت الشابة تويان من سجن منطقة “غيبزي” شرق إسطنبول، لسجن “سيليفري” اللي كاين فغرب المدينة.

وزادت القناة وقالت باللي محامية المتهمة، ميرفي أوتشانوك، تفاجأت ملي لقات موكلتها تويان تنقلات، وهاد الشي وقع وقت الزيارة ديالها لقسم النساء فسجن “غيبزي” باش تقابلها.

وذكرت تقارير محلية أن السجينات اللي كانت معاهم تويان فالزنزانة، رفضو تبقى معهم، ودارو أغاني الفنانة الراحلة بصوت طالع باش يعبّرو على الرفض ديالهم لوجود بنتها معاهم.

وأوضح نفس المصدر أن البنت دايزة من حالة نفسية صعيبة داخل السجن، وكتاكل بصعوبة فالزنزانة اللي ساكنة فيها، واللي فيها ثلاث سجينات آخرين معاها.