وكالات//
كتواجه شركة إيرباص تهمة ديال الرشوة كانت سبق وخداتها من عند الرئيس الليبي الراحل معمر القذافي باش تبيع ليه 21 طيارة.
النيابة العامة استدعات إيرباص باش تيتمع ليها، ولكن على حسب ما كشفات الصحافة الفرنسية ففرنسا غادية في اتجاه أن تسوي القضية مع الشركة، لي كتعتبر من أكبر شركات لبلاد.
فرنسا غادي تفعل اتفاقية المصلحة العامة لي كاينة في القانون الفرنسي على الشركة ديال الطيارات إيرباص، وهاد الاتفاقية كتقول أن الدولة كتفرض غرامة كبيرة ومهمة مقابل أنها تتنازل على قضايا جنائية.
إيرباص سبق ليها واعترفت بأنها خدات الرشوة من نظام عربي طاح في الربيع العربي ولكن بلا ما تسمي ليبيا.
ومع الاعتراف تفرضات على إيبراص غرامة قياسية قدرها 3.6 مليار يورو غادي تحطها لفرنسا وبريطانيا وميريكان من بينها 2.1 مليار يورو للسلطات الفرنسية.
