وكالات//

قررات واحد المحكمة برازيلية أنها تمحي أغنية “من هادي مليون عام” (Million  Years Ago) لي خرجات ف 2015 للنجمة البريطانية أديل، بعدما تاهموها بسرقة اللحن من الملحن البرازيلي تونينيو غيرايس.

على حساب ماقالت بزاف ديال التقارير الصحفية العالمية، فهاد القرار جا بعدما تأكدات المحكمة من أنه كاين تشابه بين الأغنية وأغنية السامبا البرازيلية الشهيرة “Mulheres” (النساء).

وكتب غيرايس هاد الأغنية لي دارت بوم في البرازيل كامل، عام 1995.

في تفاصيل الحكم، غادي يتوقف الاستخدام ديال هاد الأغنية في العالم كامل وعلى كاع المنصات الرقمية.

وماشي غير هادشي فرضات المحكمة غرامة مالية بقيمة 8 آلاف دولار على جوج الشركات ديال الإنتاج الموسيقي “سوني” و”يونيفرسال” ايلا منفذوش هاد القرار.