الرئيسية > آش واقع > متشرد مغربي فإسبانيا لقا فلوس فملابس مرمية فالزبل وردها لمولاها
08/03/2019 07:00 آش واقع

متشرد مغربي فإسبانيا لقا فلوس فملابس مرمية فالزبل وردها لمولاها

متشرد مغربي فإسبانيا لقا فلوس فملابس مرمية فالزبل وردها لمولاها

يونس أفطيط – كود///

واحد المغربي من المعوزين لي ماعندهوم مأوى وعايش بلا وراق في إسبانيا، دار واحد اللعيبة خلاتو حديث وسائل الاعلام الاسبانية.

المغربي لي عايش في ألميريا، كان كايقل فحاوية النفايات لقا فيها حوايج ملي قلبهوم لقا فيهم بزطام فيه 300 أورو والبطاقة الشخصية ديال مول لفلوس.

المنتظر منو أنه كان يديرها فجيبو لكنه عاكس التوقعات ومشى ديريكت عن البوليس عطاهم المحفظة، وطبعا البوليس داخو، كيفاش مغربي حراگ ومتشرد من لفوق يجيب 300 اورو لقاها، هادشي خلاهم يتواصلو مع مول المحفظة لي جا وعطا جزء من لفلوس للسيد حسب ما يمنحه القانون، رغم أن المتشرد رفض وقاليهم خليو هويتي مجهولة مابغيتش نبان أنا بهادشي.

موضوعات أخرى

15/07/2019 19:50

السيدة اللي ماتت بعد الاعتداء عليها وهتك عرضها فالرباط كشف البوليس تفاصيل قصتها المؤلمة. أمن الرباط كيقلب على المتورطين فالجريمة واللي صور الفيديو