وكالات//

شدات السلطات ديال التايلاند واحد الراجل عندو 36 عام في عمرو، اعتارف أنه دار عمليات ديال تكبير القضيب، لمدة 20 عام، بلا أي ترخيص ولا حتى أنه يكون طبيب.

على حساب مقالت بزاف ديال التقارير صحفية، فهاد السيد سميتو كيتيكورن سونجسري، وكيعيش في مدينة ساموت ساخون، لي كاينة في وسط تايلاند.

وشدوه البوليس وهو متلبس كيدير واحد العملية سرية في الدار ديالو، لواحد من الناس لي بغاو يكبرو القضيب ديالهم.

وعتارف هاد السيد أنه خرج من المدرسة من التاسعة، ولكن علم راسو كيفاش يدير عمليات الزرع منين كانت عندو 14 عام ف العمر ديالو.

وشدو السلطات هاد السيد فواحد الكمين محكم داروه ليه بالتنسيق مع وزارة الصحة في البلاد.

وعتارف أنه كيتخلص بين 3000 و6000 درهم مغربية لكل عملية كيديرها، وسدو ليه حتى واحد العيادة غير مرخصة لقاوه دايرها.