وكالات//

دارت الفنانة الأمريكية تايلور سويفت رقم قياسي جديد فلوائح “بيلبورد”، من بعد ما ألبومها الجديد “حياة فتاة استعراض” حقق 4.002 مليون وحدة ألبوم، ما بين المبيعات والسماع الرقمي، وولات بهدشي أسرع ألبوم تْباع فالتاريخ ديال “بيلبورد”.

وقالت “بيلبورد” أن الألبوم باع 3,479,500 نسخة، وزاد عليهم 522,600 وحدة من السماع الرقمي، وهادي أكبر نسبة مبيعات فأسبوع واحد من نهار بدات شركة “لومينيت” تتبع المبيعات من 1991.

وبهاذ الإنجاز، تايلور سويفت ولات الفنانة اللي عندها أكبر عدد من الألبومات اللي وصلو للمركز الأول مع أول ظهور لهم فلوائح “بيلبورد”، وتجاوزات الرقم اللي كانت دايرا أديل بألبومها “25” اللي وصل لـ3.482 مليون وحدة فـ2015.

وذكر التقرير أن الألبوم نزل فـ38 إصدار مختلف، فيهم 16 CD، وجوج مجموعات من الأقراص المدمجة، و8 أسطوانات فينيل، و11 إصدار رقمي، وبعض الإصدارات كانو فيهم محتوى حصري وملاحظات صوتية. وهادشي خلا بعض النقاد يقولُو أن تايلور سويفت استغلات القاعدة الكبيرة ديال المعجبين باش تطير الأرقام ديال المبيعات.