الرئيسية > آش واقع > متحور كورونا الجديد “أوميكرون” مرون العالم.. دول كثيرة سدات حدودها وميريكان وصفات هاد السلالة بالإنذار الخطير
27/11/2021 18:30 آش واقع

متحور كورونا الجديد “أوميكرون” مرون العالم.. دول كثيرة سدات حدودها وميريكان وصفات هاد السلالة بالإنذار الخطير

متحور كورونا الجديد “أوميكرون” مرون العالم.. دول كثيرة سدات حدودها وميريكان وصفات هاد السلالة بالإنذار الخطير

عمر المزين – كود //

رعب واستنفار كبيرين تعيشه مختلف دول العالم بسبب المتحور الجديد لفيروس كورونا، واللي طلقات عليه منظمة الصحة العالمية إسم “أوميكرون”. هاد المتحور الجديد قالت عليه المنظمة بأنه خطير وشديد الانتشار.

المتحور الجديد “أوميكرون” دفع بعدد من الدول لإغلاق حدودها مع عدد من البلدان، ومن بينها المغرب اللي دار بعض الإجراءات فهاد الصدد منها منع دخول الناس اللي جايين من عدد من الدول الإفريقية، وكاين دول أخرى بحال مصر اللي راجت هضرة على دخول هاد المتحور لعندها وأعلنت عن استنفار في بلادها لكن وزارة الصحة المصرية قالت بللي مزال ماكاين حتى شي دليل رسمي على هادشي لحد الساعة.

أستراليا، اللي عانات من ارتفاع في حالات الإصابة بالفيروس مؤخرا حتى قبل الإعلان عن ظهور هاد السلالة الجديدة،  بدورها خايفة من هاد الموصيبة وفرضات حجر صحي لمدة 14 يوم على المواطنين القادمين من 9 دول إفريقية، فيما قررت التايلاند منع دخول القادمين من 8 دول إفريقية بسبب هاد المتحور “أميكرون”.

الميريكان، إحدى أقوى دول العالم، أشارت على لسان مدير المعهد الأمريكي للأمراض المعدية، أنطوني فاوتشي، إلى أن هاد المتحور “إنذارا خطير ومثير للقلق”، مؤكدا أن بلادو  بحاجة باش تعرف المزيد عن المتحور “أوميكرون” المكتشف حديثا في جنوب إفريقيا.

موضوعات أخرى