الرئيسية > آش واقع > متحور “ديلطا” رون إسرائيل واخا لقحو.. تسجلات إصابات عند الملقحين والدراري الصغار.. وغيدارو دراسات باش يعرفو الوضع كيداير
07/07/2021 22:30 آش واقع

متحور “ديلطا” رون إسرائيل واخا لقحو.. تسجلات إصابات عند الملقحين والدراري الصغار.. وغيدارو دراسات باش يعرفو الوضع كيداير

متحور “ديلطا” رون إسرائيل واخا لقحو.. تسجلات إصابات عند الملقحين والدراري الصغار.. وغيدارو دراسات باش يعرفو  الوضع كيداير

كود- عن RTL//

فالإسرائيل، واخا النص فالمواطنين ملقحين ب”فايزر” و”بيونتيك”، الناس الملقحة مازال كتقاص بفيروس كورونا المستجد، وخصوصا بسلالة “ديلتا”، ولكن الحالات ديالهم طفيفة، حسب خبير.

وكان ران باليسر، الباحث الإسرائيلي المسؤول على اللجنة الوطنية للخبراء، طلب الناس باش يردو البال، وقال أنه مازال الوقت مبكر لتقييم النجاعة ديال التلقيح.

فالمقابل، وزارة الصحة الإسرائيلية كشفات، الاثنين، انخفاض نجاعة الفاكسان، فيما يتعلق بانتقال العدوى والتطور ديال الأعراض، اللي تحددات دابا ف64 فالمية.

وحسب بلاغ للوزارة، فهذ الانخفاض تلاحظ من 6 يونيو، مع انتشار سلالة دلتا فإسرائيل، ولكن النجاعة ديال الفاكسان فالوقاية من الحالات الحرحة محدد ف93 فالمية.

إسرائيل كتسجل دابا كثر من 100 حالة إصابة فاليوم، فالوقت اللي كانو كيتسجلو غير شوية ديال الإصابات فالسيمانة كاملة، الحد اللي فات، تسجلات 343 حالة جديدة، النص منهم دراري صغار، والنص لاخر راشدين الأغلبية فيهم ملقحين.

وحسب باليسر، ديلتا ولات هي المتحور الرئيسي فإسرائيل، وممكن تقود لتغيير فدينامية انتقال العدوى.

الاثنين، الوزير الأول الإسرائيلي، نفتالي بينيت، طلب من وزير الصحة يدير جوج دراسات طبية فيها معلومات اساسية باش يتخاذ القرار على التلقيح”.

https://m.rtl.be/info/1311105

موضوعات أخرى

30/07/2021 20:30

قانون مزاولة الأجانب لمهنة الطب بدا تنزيلو بكري.. مذكرة وزارية لتنظيم الاستثمارات الأجنبية وقطع الطريق امام احتكار لوبيات المصحات الخاصة للاستثمارات فالصحة

30/07/2021 19:30

الجمعية الصحراوية طالبات المحكمة العليا فـ الصبليون تلغي قرار القاضي “بيدراث” بخصوص اتهامات ضد زعيم البوليساريو و إصدار مذكرة توقيف دولية فـ حقو