كود – CNEWS //

جيرمين جاكسون، الأخ الأصغر لمايكل جاكسون، صرح مؤخرا بلي غا يدير متحف مخصص لأعمال مايكل الفنية فموناكو، هاد المتحف غادي يضم تقريبا 200 عمل فني من أعمال النجم العالمي، ومن بينها 120 لوحة معروفة، وحتى لوحة لمارلين مونرو اللي مايكل رسمها مع آندي وارهول، وقيمتها كتقدر بـ145 مليون يورو، حسب ما صرح لويز كوستا ماكامبيرا، مؤسس متحف “ذا موناكو”.

جيرمين قال باللي المتحف ما غاديش يكون غير معرض ديال اللوحات، ولكن تجربة حية فيها بزاف من الأشياء اللي جمعتها العائلة، الهدف تيقول هو تحويل المكان لمتحف حي كيعاود حياة الفنان وأعمالو بطريقة مميزة وجذابة للمعجبين.

فانتظار افتتاح المتحف، مايكل جاكسون غادي يكون موضوع فيلم سيرة ذاتية بعنوان Michael” من إخراج أنطوان فوكوا، ومن المرتقب يخرج فدور العرض نهار 22 أبريل 2026، مع ولد خوه، جعفر جاكسون، باش يمتل دور مايكل، الفيلم غادي يعطي نظرة حميمة على حياة الفنان، من بداياتو مع فرقة العائلة (The Jackson 5) وحتى الشهرة العالمية، مع التركيز على الجوانب الإبداعية والصراعات الداخلية ديالو.