وكالات//

هرس واحد السائح كرسي مزيّن بمئات ديال حبيبات سواروفسكي، كان معروض فـقصر تاريخي فمدينة فيرونا بشمال شرق إيطاليا، بعدما حاول يجلس عليه باش يتصوّر، وهاد التصرف خلا إدارة المتحف تغضب وتقدم شكاية، حسب ما قالت لوكالة فرانس برس نهار الاثنين.

متحف “بالاتسو مافاي” نشر فيديو من كاميرات المراقبة نهار الخميس فالسوشيال ميديا، كيبان فيه السايح وهو كيحاول يجلس على الكرسي، وواحدة معاه كتصورو، لكن الكرسي تكسر من تحتو بسبب الوزن ديالو.

المتحف كتب فصفحته على إنستغرام:” هادشي هو الكابوس ديال أي متحف.”

الكرسي هاداك راه عمل فني مستوحى من كرسي القش اللي باين فلوحة فان غوخ الشهيرة “كرسي فنسنت مع غليونو”، وصاوبو الفنان نيكولا بولا، والمتحف شراه فـ2022.

الزوج اللي دار هاد الفعلة هربو قبل ما يقدرو الموظفين يوقفوهم، ومازال ما تعرفوش شكون هما.