وكالات//

وقعات فتركيا حالة طبية نادرة، حيث قدرو الأطباء يخرجو كميات كبيرة من عظم التمر والزيتون، وبحالهم مع أحجار قاسحة، من معدة ومسران سيدة كبيرة فالعمر عندها 92 عام، بعدما كانت كتعايش مع ألم كبير فكرشها.

هزو السيدة، شريفة آي، للسبيطار فولاية زونغولداق نهار 5 فبراير، وباش دارو ليها الفحوصات اكتشفوا أنه كاينين أجسام غريبة فالجهاز الهضمي ديالها، وهذا خلاهم يقرروا يديرو تدخل جراحي بسرعة.

فعملية دامت ساعتين، الأطباء قدروا يخرجو 28 عضم تمر و35 عضم الزيتون، مع 5 أحجار قاسحة كان حجمهم كيوصل لـ6 سنتيمترات.

ومن بين هاد الحجر، كان واحد قاسح بحجم 4 سنتيمترات لي سبب ليها انسداد فالأمعاء، وهاد الشي خلا الفريق الطبي يضطر يقطع جزء من الأمعاء المتضررة.

من بعدما دازت خمسة أيام فالعناية المركزة، بدات السيدة تتحسن تدريجياً وقالت أنها كتندم بزاف، حيث كانت ديما كتسرط العضم بلا ما تكون عارفة للخطر الصحي.