وكالات//

فواقعة صادمة، خدا واحد الرجل فولاية هاواي الأمريكية تعويض مالي كبير، من بعد ما دوز اكثر من عامين محبوس فمستشفى للأمراض النفسية بسبب خطأ فالهُوية.

القصة كتهم جوشوا سبريسترسباخ، اللي شداتو الشرطة عام 2017 وهو بلا مأوى، وظنو أنه شخص آخر مطلوب اسميتو توماس كاسلبري.

المشكل أن الشخص الحقيقي كان أصلاً فالحبس فولاية ألاسكا من 2016، يعني الخطأ كان واضح، ولكن ما تصلحش فوقتو.

ورغم أنه كان كينفي الهوية ديالو، بقاو الإجراءات مستمرة، حتى تحبس لسنوات، ودار دعوى قضائية عام 2021 بسبب الإهمال.