الرئيسية > آش واقع > متابعة وهبي لـ”زنقة 20″ بلا خبار مالين التراكتور.. قيادة البام كاعيا من قراراتو الانفرادية ورافضا ربط صورة الحزب بمحاكمة الصحفيين
25/01/2023 14:17 آش واقع

متابعة وهبي لـ”زنقة 20″ بلا خبار مالين التراكتور.. قيادة البام كاعيا من قراراتو الانفرادية ورافضا ربط صورة الحزب بمحاكمة الصحفيين

متابعة وهبي لـ”زنقة 20″ بلا خبار مالين التراكتور.. قيادة البام كاعيا من قراراتو الانفرادية ورافضا ربط صورة الحزب بمحاكمة الصحفيين

كود الرباط//

علمت “كود” من مصدر مطلع أن المكتب السياسي لحزب الأصالة والمعاصرة، كاعي بزاف من تصرفات وتصريحات وزير العدل عبد اللطيف وهبي، للي كتكون فالغالب انفرادية وبدون تنسيق مع باقي القيادات خصوصا لي عندها مكانة خاصة بحال فاطمة الزهراء المنصوري.

وكشف مصدر “كود” بأن المكتب السياسي للبام زاد كعا بزاف فاش خرجات خبار بلي وهبي دعا مدير موقع “زنقة 20″، خصوصا وهبي ماتشاو وماخبرش القيادات،

المصدر القيادي قال لـ”كود” بلي وهبي دار هادشي بصفتو وزير وماشي بصفتو امين عام ولكن هادشي كيضر بصورة الحزب، وبأن “وهبي كيخربق فهاد الموضوع بالذات”.

دبا كاين نقاش كبير حول الشكاية لي دار وهبي بعدما خذا الاذن من رئيس الحكومة، التهم لي بغات الشكاية تلصقهم لمدير موقع زنقة 20 ربطها بالقانون الجنائي، نقاش كبير حيث وهبي كيتناقض مع راسو خصوصا وانه قال متابعة الصحافيين فيما يتعلق بالنشر والصحافة خصو متابعة بقانون النشر والصحافة، ماشي القانون الجنائي، ودبا وقع العكس.

الشكاية مكتبهاش وهبي طبعا، دارها محامي الحكومة، وحطها ضد للنيابة العامة. الاخيرة لي غاتقول الكلمة الاخيرة واش دير التكييف القانوني للقضية بقانون النشر والصحافة أو بالقانون الجنائي.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه