أحمد الطيب – كود – الرباط///

أثار البلاغ الذي أصدرته الوكالة الوطنية للسلامة الطرقية “نارسا” حول اعتماد شكل جديد للوحات تسجيل المركبات المغربية المتوجهة نحو الخارج، مؤخرا، ارتباكا كبيرا في صفوف أصحاب السيارات المتوجهة إلى الخارج، وذلك بسبب تغيير لوحات السيارات بإضافة الأحرف اللاتينية مع إسم المغرب (مA).

القرار غبي بغباء الادارة اللي خرجات تبررو.

مدير عام “نارسا” وسميتو ناصر بولعجول هدر على هاد القضية. قال باللي البلاغ المتعلق بشكل لوحة تسجيل الطونوبيلات المستعملة خارج المغرب “ماشي تشريع جديد” وبالللي غير “تذكير بمقتضيات قرار وزير التجهيز والنقل رقم 2711.10 الصادر في 29 شتنبر 2010”.

دابا هاد الفاهيم الفاشل فالحق من حوادث السير واللي عاطيها غير للاضواء، كيقول باللي ايلى عندك طونوبيلة هنا وبغيتي تسافر خصوصا لاسبانيا وايطاليا خاصك تبدل الحرف العربي فالماتريكيل ديال طونوبيلتك وتزيد عليها “ما” بالفرنسية.

علاش هاد التخربيق. للي مسافر وعندو طونوبيلة غادي يشطن راسو بتخربيقك وباش يرجع يعاود يرجع الماتريكيل كيف كان فاللول.

راه كاينة دول ما مسوقاش باش كاتبها. كتسجل ليك مخالفة وترسلها ليك وخلصها فسفارتها بالاورو كيف كدير سويسرا مثلا. ايلى ما خلصتيش ما تبقاش تدخل للبلاد وسدات مدام.

وقتاش هاد بولعجول يعرف يدافع على بلادو واولاد بلادو.

هادا غير كيتبندر علاش باش فشل فقضية السلامة الطرقية مازال محتافظين بيه. خاص تجيه شي لجنة تراقب مصاريف “نارسا” غير فالتواصل غادية تكتاشف لعجب