وكالات//

المغنية الكندية سيلين ديون لي فعمرها 55 عام مريضة بزاف، ومبقاتش كتقدر تحرك وحالتها صعيبة، وهادشي لي وقع ليها  بسبب واحد لمرض سميتو متلازمة الشخص المتيبس.

موقع “سموتراديو” قال بلي  سيلين باعت دارها لي كينا في ميريكان، ولي عاشت فيها 15عام وتحولات لبلادها “كندا” باش تبقا قريبة من عائلتها ويردو ليها لبال.

بسباب حالتها كيف ولات مع لمرض سيلين أنيلات كاع الحفلات لي كانت غدير هاد لعام حيت كتحس بالآلام بزاف، ومكتقدرش تتحرك، والعائلة ديالها كيقولو بلي صحتها غاديا وكتسالي.