وكالات//

كشف الجورنال ديال “ديلي ميل” البريطاني، أن المغنية البريطانية المشهورة آديل كتوجد راسها تدير واحد الكاريير جديدة بعدما علنات أنها غادي توقف الغنا.

وقال الجورنال أن آديل كتوجد راسها، باش تدخل لعالم التمثيل فهاد الوقيتة لي وقفات فيها الغنا.

وقال إن المغنية ومن هادي عام تقريبا، كتاخد دروس مكثفة من واحد المؤطر معروف في هوليود باش تدخل لعالم التمثيل.

وأكد أن المغنية لي الثروة ديالها وصلات لـ220 مليون دولار، مصرة كل الإصرار أنها تدخل لعالم التمثيل.

وكانت آديل قالت براسها في الختام ديال جولتها في ميونخ أنها غادي توقف الغنا لواحد الفترة لي ماغاديش تكون قصيرة.