كود سبور//

جا الدولي الفرنسي كيليان مبابي نجم ريال مدريد للمغرب يدوز العطلة ديالو، فهاد التوقف الدولي اللي موقفة فيه بطولة الصبليون.

وحسب مصادر “گود” فكيليان مبابي جا لمدينة مراكش اللي كاين فيها دابا كايدوز العطلة ديالو، وهذا الشي بعدما اختار المدرب الفرنسي ديدي ديشامب ما يعيطش له الماتشات ديال المنتخب الفرنسي فالتوقف الدولي الحالي ضد اسرائيل والطاليان.

نفس المصادر وضحت، أن كيليان مبابي وخلال الإقامة ديالو حاليا فمراكش، كايلعب البادل وگالس فأوطيل معروف فالمدينة الحمرا وعندو حراسة ديما تابعاه فينما مشى.