كود سبور//

علن الدولي الفرنسي كيليان مبابي رسميا الرحيل على باريس سان جرمان الفرنسي، بعد سنوات وهو كيلعب معه.

https://www.instagram.com/reel/C6zAuA7C1FI/?igsh=amxwd3c3eGt0OHlv

وخرج كيليان مبابي قبل لحظات فأنستغرام ديالو، وعلن ان هذا الموسم هو الأخير له مع باريس سان جرمان وان الويكاند الجاي هو آخر ماتش غايلعبو مع PSG فالتيران ديالهم بارك دي برانس.

وعبر مبابي على الفخر ديالو حيث لعب مع فريق كبير ففرنسا ومن احسن الفريق فالعالم بحال باريس سان جيرمان، واكد ان المشارع اللي كيحس بها دابا ديال الفراق صعيبة.

ومن المنتظر يسني كيليان مبابي مع ريال مدريد هذا الصيف، ويتم الإعلان على الصفقة خلال الأسابيع المقبلة، مع العلم انها صفقة انتقال حر واللاعب بوحدو اللي عايستافد ماليا وباريس سان جرمان لا حيث الكونترا ديالهم معه غاتسالي مع نهاية هذا الموسم.