كود سبور//

مازال لم يحسم بعد قرار مشاركة الدولي الفرنسي كيليان مبابي مع منتخب فرنسا فماتش غدا الجمعة ضد منتخب هولندا، برسم الجولة 2 من كأس أوروبا “ألمانيا2024”، ولكن كاينين مؤشرات ايجابية.

ونشر الاتحاد الفرنسي لكرة القدم قبل لحظات صورة لكابيتان فرنسا، وهو كايتريني اليوم الخميس فالعشية مع المنتخب الفرنسي فأخر حصة تدريبية قبل الماتش ضد هولندا، وداير ماسك فيه ألوان العلم الفرنسي ولوگو الفروج شعار منتخب فرنسا.

كيليان مبابي، بان فالتصويرة ناشط وفرحان ومرتاح خلال الحصة التدريبية، وهذا الشي قبل ساعات من الماتش المهم اللي غايلعبوه فرنسا ضد هولندا غدا الجمعة، ومازال ما تم الحسم فالمشاركة ديال النجم الفرنسي فالماتش.