گود سبور//

اعترف الدولي الفرنسي كيليان مبابي نجم ريال مدريد الإسباني، بأنه ما غاديش يقدر يربح الكورة الذهبية هذا العام واخا مرشح لها، وقرر التزام الحياد ما بين النجم المغربي أشرف حكيمي والفرنسي عثمان ديمبيلي نجمي باريس سان جرمان حيث بجوجهم صحابو.

وخلال حوار دارو مع جريدة “ليكيب” الفرنسية، اعترف كيليان مبابي، وقال: “أنا ما نقدرش نربح هذا العام، وما نقدرش نختار ما بين صحابي بجوج، المهم هو الاعتراف بالمستوى ديالهم، واللي غايربح فيهم غانكون فرحان له”.

وجا هذا التصريح الجديد ديال كيليان مبابي، باش يصحح به تصريح سابق له كانت نشراتو جريدة “تيلي فوت” الفرنسية قبل يومين، قال فيه ان عثمان ديمبيلي يستاهل البالون دور وأنه دعمو من الأول، وبلي بغا يشوف أشرف حكيمي فشي مركز مزيان.