كود الرباط ///
اليوم الاثنين 28 فبراير 2022 تحكم فمحكمة الاستئناف فالرباط على منير الشولي الضابط فالادارة العامة للامن الوطني ب10 سنين حبس. هاد الضابط كان خدم فطنجة وتورط مع عصابة فالاتجار الدولي في المخدرات.
هاد الحكم فيه رسالة من الادارة العامة للامن الوطني زمن الحموشي مع كاع البوليس من صغرو حتى اعلى المراتب٬ اللي فرط يكرط والتكريطة قاصحة. هادا خدا 10 سنين ويخلص للديوانة غرامة وصلات ل800 مليون درهم
المحكمة دانتو بتهمة الارتباط بعصابة اجرامية تنشط فتهريب الكوكايين
الضابط مشى فيها ومشى فيها حتى خوه و3 خراين فنفس العصابة
هادو توقفو بعد عملية امنية دارتها الفرقة الوطنية للشرطة القضائية ولكن اللي وجد المعلومات هي المديرية العامة لمراقبة التراب الوطني.
هادا ميساج لكاع البوليس اللي يقدر يتغر بالمنصب. راه نهار يحصل يودي يخلص بزاف. دابا ما بقات ليه لا حرية ولا فلوس اللي يقدر يكون جمعهم
