كود سبور//

غاترجع اللاعبة الدولية المغربية فاطمة تاگنوات من إشبيلية الإسباني إلى فريقها السابق الجيش الملكي.

وتوصل نادي إشبيلية الإسباني لاتفاق مع الجيش الملكي، بخصوص عودة فاطمة تاگناوت إلى صفوف الفريق العسكري خلال المرحلة المقبلة، بعدما انتقلت إلى الفريق الإسباني غير فالصيف الماضي.

وحسب إشبيلية الإسباني فالسبب الرئيسي خلى فاطمة تاگناوت ما تكملش مع الفريق وترجع تلعب مع الجيش الملكي، هما مشاكل ديال التأقلم.

للإشارة فالمدة الأخيرة، عرفت انتقال عدد من اللاعبات المغربيات إلى البطولة الإسبانية بحال الكابيتان غزلان الشباك اللي انتقلت إلى ليفانتي وحنان آيت الحاج اللي انتقلت فالنسيا، وحتى هما بجوج كانو كايلعبو مع ليفار.