وكالات //

باتريشيا رودريغيز، الأخت لكبيرة ديال جورجينا صاحبة كريستيانو رونالدو خرجات إعلامياً وهجمات ختها لي قالت كتعيق بالفلوس في الوقت لي هي زاوية وما عندها ما توكل ولادها.

وقالت باتريشيا في لقاء البرنامج التلفزيوني الإسباني “Socialite” أنها في الفترة ديال 3 السنوات بدلات جورجينا الدار لي كانت ساكنة فيها شحال من مرة، وأنها هي ما عندها ما توكل ولادها بسبب الوضع المالي ديالها، وما لقات حتى مساعدة من ختها لي كتعتبر من الأغنياء في العالم.

خت جورجينا قالت أنها في الوقت لي كانت مفلسة ماديا كانت مضطرة تشوف ختها كتتسارى في اليخوت والطائرات الخاصة مع كريستيانو رونالدو في العالم، وأنا ما عندي باش نخلص لكرا.

وواخة ضربات ليها الطر وجهات باتريشيا رودريغيز رسالة لختها جورجينا وطلبات منها تعاونها مادياً لأنها هي السند ديالها في الحياة بعدما مات الوالد ديالهم في 2019.