وكالات//

فالحفل ديال كاظم الساهر لي دار فألمانيا، شاب بغا يدير مفاجأة للبنت لي كيبغي، ويطلبها للزواج، وطلع فوق خشبة المسرح وعيط ليها تجي عندو، ولكن المصيبة أنه وضر خاتم الخطوبة.

الشاب ملي طلع لخشبة المسرح حدا المغني كاظم الساهر، طاح ليه الخاتم لي باغي يخطب بيه صاحبتو، وعيا مايقلب عليه ولكن ملقاهش، وݣاع لي كانو حاضرين بداو كيزغرتو ليهم.

ملي الشاب سالا التقلاب على الخاتم، المغني العراقي كاظم الساهر بقا شبعان ضحك وقال للجمهور مسكين هاد الولد جا يخطب طيح الخاتم، وفالأخير هاد الولد هو وصاحبتو خداو تصويرا سيلفي معا كاظم الساهر.