وكالات //

يبيعو القرد ويضحكو على لي شراه، هادشي لي كينطبق على هاد الناس لي حاكمين تونس، من الرئيس قيس سعيد لي داير راسو ضد التطبيع وهاز مشعل القضية حتى للرئيسة ديال الحكومة ديالو.

نجلاء بودن، رئيسة الحكومة لي ما عمرها عطات حتى تصريح للإعلام ولا شي واحد سمع الصوت ديالها كيفاش داير، بانت لأول مرة كتهضر وتضحك مع الرئيس ديال إسرائيل يتسحاق هرتسوغ واخة لي خدمها في المنصب كيقول أنهم كيكره الإسرائيليين.

النشطاء ديال السوشيل ميديا طلعوها على نجلاء بودن لي بانت منشرحة الابتسامة مع الرئيس الإسرائيلي وهي واقفة باش تاخذ صورة تذكارية مع الزعماء ديال العالم في قمة المناخ لي كاينة في مصر.

https://www.youtube.com/watch?time_continue=7&v=6G0zRwiN94k&feature=emb_logo