گود سوبر//

قرر المكتب الجديد ديال المغرب التطواني، يحيدو مدرب الفريق، مع العلم أنهم يالاه طلعو للقسم الأول وما بقى والو على انطلاق الموسم الجديد.

المكتب ديال الرئيس الجديد للمغرب التطواني محمد جدعوني، اللي يالاه شد الرئاسة غير أيام هادي، اتفقو مع المدرب عبد الكريم الجيناني على إنهاء العلاقة التعاقدية بين الطرفين بالتراضي.

وحسب المغرب التطواني فقرار الانفصال على المدرب، كايجي ضمن مقاربة تراعي مصلحة الفريق ومتطلبات المرحلة المقبلة.

للإشارة فالبطولة ما بقى لها غير أسبوعين وعادي تبدا، والانطلاقة غادي تكون يوم 24 شتنبر الحالي، وقرار بحال هذا من ادارة المغرب التطواني، يقدر يكون عندو تأثير إيجابي على الفريق كيفما يقدر يكون عندو تأثير سلبي.