وكالات//
زعيم الأغلبية في مجلس الشيوخ الميريكاني وافق باش يبدلو قواعد اللباس ديال أعضاء المجلس، وقال باش كل واحد يلبس لي بغا، واخا هادشي كيخالف العادات والتقاليد ديال المجلس.
صحيفة نيويورك تايمز قالت بزاف ديال النواب مبقاوش كيلبسو اللباس الرسمي، وهادشي تبدل من يامات كورونا، حيت الأغلبية كانو كيخدمو من الدار وكيلبسو حوايج مريحين وبقاو مولفين على هاد اللبس.
هاد التغيير كان بسباب السيناتور الديمقراطي عن بنسلفانيا جون فيتيرمان لي الطول ديالو كثر من جوج ميترو، وفيه بزاف ديال الوشمات، وملي كان كيجي لمجلس الشيوخ، كيلبس حوايج ديال سبور وديما كيتعرض للانتقادات لكن دابا ولا واخد راحتو.
