كود كازا ///

ما بعد الصحبة جات لعداوة والشريان. هاد الشي اللي وقع بين توفيق بنعلي عامل مدير الوكالة الحضرية للدار البيضاء وعبد الله شاطر عامل اقليم النواصر. كانو يفطرو جميع ويخرجو جميع وياكلو جميع. صحاب. غير هاد المرحلة سالات. 

حسب مصادر “كود” شاطر طلب هادي مدة ماشي طويلة من بنعلي يسلفو الدورنات باش يصور شي احياء عشوائية فالاقليم وعندو بزاف.

الوكالة الحضرية هي اللي عندها الدرونات كتخدم بيهم. رد عليه بنعلي بالموافقة. دازت شي ايام واكتاشف شاطر باللي الوكالة الحضرية صورات ولكن رسلات الوثائق للداخلية اللي رسلاتها بدورها لولاية الدار البيضاء.

شاطر اعتابر هادي خيانة وبنعلي اعتابر راسو دار خدمتو. دابا سالات الصحبة.