كود -الفاتيكان//

لبارح فقاعة بولس السادس فالفاتيكان عرفات حضور شي 2000 فقير فالصفوف القدامية، اللي تعشاو وخداو الكادويات ديال عيد الميلاد، الحفلة اللي كانت بعنوان “مع الفقراء”، كان فيها الفنان مايكل بوبليه، اللي غنا موسيقى السوينغ للجمهور.

البابا ليو عبر على أهمية الموسيقى وقال: “الموسيقى ماشي فوق شبعة، ولكن كادو إلاهي للجميع، الأغنياء والفقراء، المتعلمين والدرواش” وزاد: “الموسيقى قنطرة كتوصلنا لله، وكتقدر تحسسنا وتوشينا ف العمق ديالنا”.

الحفل تسالى بجوقة أبرشية روما، وغنّاو “عيد ميلاد سعيد”، والجمهور صفق مزيان، مايكل بوبليه قال: “الليلة كنحتافلو بالإنسانية”، والبابا صفق لكل أغنية وعجبو الحال، وتمنا “عواشر مبروكة” للجميع.

البابا شدد على أن الموسيقى كتربط لارض بالسما، وكتخلينا نساو المشاكل والهموم، وكتخلي الناس باش تكون قلوبهم كتسمع لأنشودة محبة الله، اللي هي يسوع المسيح، خاصة مع قرب عيد الميلاد والطقوس الموسيقية المرتبطة به.