كود -عثمان الشرقي//

الناشطة مايسة سلامة الناجي دارت البوز فالسوشيال ميديا من بعدما خرجات بتصريح قوي فالمنصة ديالها، لي قالت فيها إن قانون تجريم الإفطار العلني فرمضان “ما عندو حتى أساس لا فالدين لا فالقانون، وإنما غير تعبير على عقدة ديال النفاق الاجتماعي”.

وزادت مايسة وقالت باللي كانت كتفطر فرمضان لمدة عشر سنين، ولكن كانت ديما كتحاول ما تدخلش فصدام مباشر مع الناس، وهاد الشي غير باش يبقى التعايش والتوافق الاجتماعي بين الجميع.

https://www.facebook.com/share/v/1F4znRNKCR/

مايسة سلامة وجهات رسالة لوزير الأوقاف والعدل وسولاتهم على أش من أساس كيتجرم الإفطار العلني فالمغرب ومنين مستمد هاد التشريع .

التصريح ديالها رجّع النقاش بقوة الهضرة على حرية الفرد، وحدود القانون، واحترام الاختيارات الشخصية، وخلّى بزاف ديال الناس يطرحوا أسئلة على شنو هو الحد الفاصل بين حرية الإنسان فاختياراتو الشخصية، وحق الدولة أو المؤسسات فالتدخل فالاختيارات والقناعات الفردية.