الرئيسية > الزين والحداكة > مايا قصفات الآباء لي كيسبو ولادهم: را حشومة وعيب وعار وإلا بغيتيه يحتارمك حتارمهم
10/07/2019 10:00 الزين والحداكة

مايا قصفات الآباء لي كيسبو ولادهم: را حشومة وعيب وعار وإلا بغيتيه يحتارمك حتارمهم

مايا قصفات الآباء لي كيسبو ولادهم: را حشومة وعيب وعار وإلا بغيتيه يحتارمك حتارمهم

نجوى المالحي-كود//

الشطاحة مايا كل نهار عندها الجديد وكل نهار كتجبد لبنادم الوذنين في قضايا مجتمعية. البارح مع حطات رجليها في المغرب شافت موقف ماعجبهاش ودارت عليه ستوريات كتدوي وتنكَر.

مايا شافت ولد كيلعب حدا الأم ديالو، وفي واحد الوقت طاح وهي تقل لي مو “الله ينعل الحمارة تاعت مك.. تعاود نهرس لك وجهك”، مايا اعتبرت الأمر عيب وعار وحشومة خصوصا دري مدار والو، وعندها الحق هادي ماشي ترابي.

وقالت مايا “بسبب ولا بلا سبب علاش الواحد يعاير ولدو ويطيح منو. كلمة حمار خاص الولد ميسمعهاش”.

وأكدات مايا أن دري ملي غادي يكبر غادي يدير نفس الفعل، والمشكل في الأخير ماشي منو ولكن من الجدر، اي الآباء، ومرة اخرى مايا عندها الحق، حيت الوالدين هما لي كيكبرو ولادهم بالسبان والضرب وكيطلعو اجيال فاقدة الثقة فراسها وعنيفة وعندها شلا عقد…

موضوعات أخرى