گود سبور//

باغيين مانشستر يونايتد النگليزي يخليو معهم اللاعبين الأفارقة حتى يلعبو معهم ماتش الاثنين الجاي 15 دجنبر 2025 ضد بورنموث ضمن منافسات الجولة 16 من بطولة النگليز، عادي يطلقوهم لمنتخباتهم الأفريقية باش يشاركو فـ كاس افريقيا 2025، ومن بينهم الدولي المغربي نصير مزراوي، واخا يوم 15 دجنبر 2025 راه الموعد الرسمي باش اللاعبين يمشيو لمنتخباتهم.

وكشف البرتغالي روبن اموريم مدرب مانشستر يونايتد فـ تصريح نشرو النادي النگليزي على الموقع الرسمي ديالو، ان مانشستر يونايتد كايهضرو مع الاتحادات الوطنية ديال اللاعبين المعنيين بالمشاركة مع منتخباتهم فـ كاس افريقيا، وكايتسناو حتى وسط السيمانا، وان الاتحادات الوطنية كاينقشو معهم هذا الشي إيجابي.

وكان الاتحاد الدولي لكرة القدم قرر يخلي اللاعبين الأفارقة المشاركين فـ كاس افريقيا 2025، مع فرقهم حتى ليوم 15 ديسمبر 2025، عادي يطلقوهم لمنتخباتهم، والمسابقة عادي تبدا يوم 21 ديسمبر 2025، اي قبل بـ6 من بداية البطولة، مع فسح المجال للاتحادات الوطنية والأندية يتفاوضو بشكل منفرد إلى لقاو شي حل بيناتهم.