كود سبور//

واخا  الدولي المغربي نصير مزراوي مشى مع بايرن ميونخ الألماني لمعسكر تدريبي فكوريا الجنوبية استعدادا للموسم المقبل، الا أنه مازال داخل ضمن اهتمامات مانشستر يونايتد النگليزي، اللي باغيين يسنيو معه فهاد الميركاتو.

وكشف الإعلامي الطالياني فابريسيو رومانو المتخصص فصفقات اللاعبين فأوروبا، قبل لحظات من صباح اليوم الجمعة، وقال إن مانشستر يونايتد كيواصلو الاتصالات ديالهم مع نصير مزراوي، وأكدو له أنهم دايرين خطة باش يجيبوه لعندهم للنادي، وكايتسناو غير يمشي وان بيساكا بحالو.

نفس المصدر، وضح أن مانشستر يونايتد يعتبر نصير مزراوي خيار مثالي بالنسبة لهم، حيث اللاعب المغربي قادر يلعب أيضا حتى ظهير أيسر إذا حتاجوه فهاد البوسط.