الرئيسية > كود سبور > مانشستر يونايتد بدا كيتحرك على قبل زياش
17/08/2022 20:00 كود سبور

مانشستر يونايتد بدا كيتحرك على قبل زياش

مانشستر يونايتد بدا كيتحرك على قبل زياش

كود سبور//

بدا فريق مانشستر يونايتد الانجليزي كيتحرك من أجل التعاقد فهاذ الميركاتو الصيفي، مع الدولي المغربي حكيم زياش لي كيلعب مع تشيلسي الانجليزي، وتدعيم الصفوف ديالو من بعد البداية الكارثية لي بصم عليه فالدوري الانجليزي مع انطلاق الموسم الجديد.

وكشفت وسائل إعلام إنجليزية ومن بينها “ذا صن”، أن المسؤولين ديال مانشستر يونايتد الانجليزي بداو التحركات ديالهم من أجل تلبية طلب مدرب الهولندي ديال الفريق تين هاغ، لي باغي يجيب حكيم زياش للمان يونايتد.

الادارة ديال مانشستر يونايتد وحسب نفس المصدر كتحضر عرض مالي من أجل إقناع تشيلسي بالتنازل على خدمات حكيم زياش، لي صبح هدف بالنسبة لفريق الشياطين الحمراء، ومن الأولويات ديال التعاقدات لي عند مانشستر يونايتد رغبة وإلحاح فإبرام قبل نهاية الميركاتو الصيفي الجاري.

الوضع ديال حكيم زياش الحالي مع تشيلسي والفقدان ديالو الرسمية، ممكن يساهم بشكل كبير فالانتقال ديالو لمانشستر يونايتد، خصوصا وأن المدرب ديال الأخير هو الهولندي تين هاغ، لي تألق معه زياش بشكل كبير فأياكس أمستردام بهولندا قبل ما ينتقل للدوري الانجليزي.

موضوعات أخرى

25/09/2022 20:30

رئيس وأعضاء البرلمان الإفريقي مشاو لميناء طنجة: حنا منبهرون بالبنيات التحتية العصرية والتكنولوجيا لي عرفها المغرب – تصاور