الرئيسية > آش واقع > مامفاكينش.. تيار الاستوزار في الـPPS باغي يمشي للقضاء باش يبقى في الحكومة
05/10/2019 19:30 آش واقع

مامفاكينش.. تيار الاستوزار في الـPPS باغي يمشي للقضاء باش يبقى في الحكومة

مامفاكينش.. تيار الاستوزار في الـPPS باغي يمشي للقضاء باش يبقى في الحكومة

جمال بناصر – كود//

واش بالصح الرفاق غادي يمشيو للمحكمة باش يبقاو لاصقين في كرسي الوزارة؟ هذا هو السؤال اللي تايدور من البارح بالليل بين الدراري ديال الـPPS اللي سالاو اجتماع اللجنة المركزية بالبونية و بواحد الطريقة خايبة لا تشرف حزب علي يعتة.

إمكانية اللجوء إلى القضاء من اجل الطعن في قرار انسحاب من الحكومة يطرحه ما يمكن الآن تسميته بتيار الاستوزار داخل التقدم و الاشتراكية الذي يقوده وزير الصحة انس الدكالي و اللي عبّر صراحة عن رغبته في عدم مغادرة الحكومة.

الرفيق الوزير، و من بعد ما خسر معركة اقناع الرفاق بالتصويت لصالح البقاء بالتحالف الحكومي، طاح، هو و شي قياديين آخرين بالتقدم والاشتراكية، على تخريجة الطعن أمام المحكمة الادارية في قرار الانسحاب من الحكومة بدعوى أن بنعبد الله قام بتزوير اصوات المصوتين ضد القرار خلال اجتماع  اللجنة المركزية .

موضوعات أخرى