الرئيسية > تبركيك > مالاوي بغات البوكسور مايك تايسون يولي سفيرها الرسمي ديال الحشيش!
27/11/2021 02:00 تبركيك

مالاوي بغات البوكسور مايك تايسون يولي سفيرها الرسمي ديال الحشيش!

مالاوي بغات البوكسور مايك تايسون يولي سفيرها الرسمي ديال الحشيش!

وكالات //

طلبات مالاوي من البوكسور مايك تايسون باش يولي السفير الرسمي ديال الحشيش اللي كتنتجو هاد البلاد الإفريقية.

وزير الزراعة “لوبين لو” بغاه يولي في هاد المنصب، واعتابر أن الشراكة مع البوكسور غادي تكون وسيلة واعرة ومربحة للترويج للحشيش المحلي في العالم.

تايسون كان غادي يمشي لمالاوي السيمانة اللي فاتت باش يطرق هاد المسمار لكن الرحلة ديالو تأجلات في انتظار يقادو شي إجراءات إدارية.

ومعروف أن البوكسور العالمي سبق ليه واستثمر في زراعة الحشيش في ميريكان.

وانتقد عدد من المراقبين هاد الخطوة، مشيرين إلى أن تايسون سبق ليه تحبس من بعد إدانتو بتهم جنسية في التسعينيات من القرن الفايت وبالتالي ماشي هو الشخصية المناسبة اللي غادي تروج لمحصول الحشيش المالاوي حقاش سمعة البوكسور الميريكاني خايبة.

موضوعات أخرى