الرئيسية > آش واقع > ماكرون لتركيا: انتوما كتعاونو مع داعش
03/12/2019 23:30 آش واقع

ماكرون لتركيا: انتوما كتعاونو مع داعش

ماكرون لتركيا: انتوما كتعاونو مع داعش

عن الوكالات ///

نايضة قبل افتتاح القمة 70 لدول حلف شمال الاطلسي بلندن. ماكرون رئيس فرانسا دخل فتركيا ورئيسها اردوغان. خلال مؤتمر صحافي مشترك مع رئيس الولايات المتحدة الامريكية اتاهم ماكرون اسطمبول باللي كتخدم مع داعش وطالب من ترامب ” تعريف واضح حول مفهوم مكافحة الإرهاب”.

ماكرون قال اليوم الثلاثاء ان القوات التركية كتخدم “احيانا مع مقاتلين مرتبطين بتنظيم “الدولة الإسلامية” في عملياتها في شمال سوريا.

وخاطب ترامب “باش كنشوف تركيا وكيبان لي انها تقاتل دابا مع من تقاتل معنا وشي مرات تعمل مع مقاتلين عندهم علاقة بداعش”.

واصاف ماكرون قبل ما يتلاقى مع اردوغان ان “مسألة تنظيم “الدولة الإسلامية خاصو تكون واضحة” وباللي تصرفات تركيا ضد المقاتلين الأكراد اللي عاونو الحلفاء ضد داعش٬ خاصها تبين الحاجة لتحسين التنسيق”.

ماكرون تحدث عن فقدان فرنسا والاتحاد الاوربي التعاون مع تركيا فالامن والتجارة والهجرة واضاف “كيفاش ممكن تكون عضو فالحلف وتخدم مع روسيا وتشري منها ؟” في إشارة إلى شراء أنقرة نظام إس-400 الدفاعي الروسي.

وجبد فنفس الهدرة مستقبل تركيا مع الناطو ايلى بقى اردوغان راكب راسو وكيهدد يوخر إجراءات الدفاع فالبلطيق الى دول التحالف ما علناتش باللي المقاتلين الاكراد ارهابيون.

موضوعات أخرى

08/12/2019 18:51

اخنوش من ميلانو: اللي كيسب المؤسسات ما عندوش بلاصتو فالبلاد ولمغاربة اللي ناقصناهم تربية خاصنا نعاودوها ليهم وكلنا موحدين وراء صاحب الجلالة