الرئيسية > كود-تيفي > ماكرون فأول تصريح ليه على غضب المسلمين من كاريكاتير النبي: الصحافة ففرنسا عندها كل الحرية ومن واجبنا نحميو هذ الحقوق.. وكاين مجموعات كيقتلو ويذبحو باسم الإسلام وهذا مشكل كبير – فيديو
31/10/2020 15:00 كود-تيفي

ماكرون فأول تصريح ليه على غضب المسلمين من كاريكاتير النبي: الصحافة ففرنسا عندها كل الحرية ومن واجبنا نحميو هذ الحقوق.. وكاين مجموعات كيقتلو ويذبحو باسم الإسلام وهذا مشكل كبير – فيديو

ماكرون فأول تصريح ليه على غضب المسلمين من كاريكاتير النبي: الصحافة ففرنسا عندها كل الحرية ومن واجبنا نحميو هذ الحقوق.. وكاين مجموعات كيقتلو ويذبحو باسم الإسلام وهذا مشكل كبير – فيديو

عفراء علوي محمدي – كود//

قال الرئيس الفرنسي، إيمانويل ماكرون، أن الرسومات المسيئة لرسول الإسلام هي نوع من حرية التعبير، بحيث صحيفة “شارلي إيبدو” الناشرة لهذ الرسوم، والصحافة عموما ففرنسا، كتبقى حرة، ومن واجبو هو يحمي هذ الحقوق.

وزاد ماكرون كيقول، فمقابلة ليه مع الجزيرة أنه تم تحريف كلامو وتفهم بشكل غالط، بخيث هو عمرو دعم هذ الرسوم، والجريدة الناشرة ليها ماشي جريدة ناطقة باسم الحكومة.

ومن جهة خرى، قال ماكرون انه كيتفهم مشاعر المسلمين، لكن كيطلب يتفهموه حتى هو اللي من عادتو يخلي الأمور هادئة ففرانسا، وهذا هو الدور ديالو.

وبخصوص قولو ان الإسلام كيعيش ازمة، قال ماكرون انه بالصح كاين مشكل، بحيث مجموعات كيقتلو ويذبحو باسم الاسلام، وكيتشرو خطابات كتبرر هذ النوع من العنف والتطرف، “وهذشي مشكلة فالإسلام لأن أول الضحايا ديال هذشي هوما المسلمين…”، حسب تعبيرو.

وهذا مقتطف من الحوار اللي تبت فقناة الجزيرة، وغايدوز كامل اليوم:

موضوعات أخرى

01/12/2020 18:30

ضربة أمنية كبيرة للبوليس المغربي بالتعاون مع نظيره الأمريكي. حجز شحنة مهمة ديال الكوكايين فطنجة ساوية فلوس صحيحة – تصاور