كود سبور//

غايدير الرئيس الفرنسي إيمانويل ماكرون استقبال خاص لفريق باريس سان جيرمان الفرنسي، حيث ربحو دوري أبطال أوروبا، وهو ثاني لقب لفرنسا فهاد المسابقة بعد لقب أولمبياك مارسليا اللي كان عام 1993.

وحسب وسائل إعلام فرنسية، غايكون اليوم الاحد فقصر الإليزي مع 7 العشية بتوقيت فرنسا استقبال لمكونات نادي باريس سان جيرمان الفرنسي ومن بينهم النجم المغربي أشرف حكيمي، اللي عندو فضل كبير فهاد الإنجاز بالأهداف اللي ماركاها خلال مختلف أدوار المسابقة حتى للهدف اللي سجل البارح فالفينال على أنتر ميلان الإيطالي فالماتش اللي ربحوه PSG بـ5-0.

الإعلام الفرنسي قال إن حفل الاستقبال غايكون فيه ساعة ديال الوقت وغايتعشاو ويحتافلو مع الجمهور باللقب الأول فتاريخ باريس سان جيرمان نادي العاصمة الفرنسية والأول فثاني فتاريخ فرنسا.