الرئيسية > آش واقع > ماكرون عيط لرئيس وزراء اسرائيل باش يطلبو يشوف ليه واش كاين لي تجسس عليه
25/07/2021 09:30 آش واقع

ماكرون عيط لرئيس وزراء اسرائيل باش يطلبو يشوف ليه واش كاين لي تجسس عليه

ماكرون عيط لرئيس وزراء اسرائيل  باش يطلبو يشوف ليه واش كاين لي تجسس عليه

كريم الشركي-كود///

فرنسا بالخبراء المعلوماتيين كلهم لي عندها مقدراتش تعرف واش هاتف مكرون مخترق وكيتم التجسس عليه او لا، ولكن فوربيدن ستوريز بدون ماتشوف التلفون وغير من خلال رقم التلفون، عرفو أن هاد الهواتف مخترقة!!.

هادشي بان فخبر قالتو القناة العبرية 12، لي قالت ان ماكرون عيط لرئيس وزراء اسرائيل نفتالي بينيت باش يطلب منو توضيحات بشأن ما يتم تداوله حول بىنامج بيغاسوس ديال الشركة الاسرائيلية ان او اس.

ماكرون عيط فالتلفون لنفتالي وسولو على هاد الشركة وواش اسرائيل فتحات تحقيق فيها، وعبر ليه عن استياؤو من مزاعم التجسس على زعماء الدول.

طبعا لو كان رئيس فرنسا عرف انه يتم التجسس عليه، كان غادي يخرج للعلن بالدليل ويهاجم الدولة اللي كتجسس عليه، ولكنهم لحدود الساعة مازال ماعرفو والو، في الوقت لي فوربيدن ستوريز خرجات ليستة فيها الصحافيني وزعماء الدول لي كايتم التجسس عليهم، بدون حتى ماتعرف نوعية هواتفهم، وفقط من ارقام الهواتف ديالهم، رغم ان الخبراء كيقولو واخا يكون عندك التلفون مستحيل تعرف أنه يتم التجسس عليهم، لان البرمجية الخبيثة لي كتركب فيه من خلال مجرد اتصال فالواتساب واخا ماتردش عليه، ضعيب بزاف يكتاشفها شي خبير معلوماتي.

موضوعات أخرى