الرئيسية > آش واقع > ماكرون بعد الهجوم الإرهابي على نيس: هذا إرهاب إسلامي نبثق بسبب إيمانا بالحرية وقيم التعايش.. وغنحاربو الفكر المتطرف باش ما قدينا ونحميو حقوق المواطنين فممارسة معتقداتهم كيفما كانت
29/10/2020 16:45 آش واقع

ماكرون بعد الهجوم الإرهابي على نيس: هذا إرهاب إسلامي نبثق بسبب إيمانا بالحرية وقيم التعايش.. وغنحاربو الفكر المتطرف باش ما قدينا ونحميو حقوق المواطنين فممارسة معتقداتهم كيفما كانت

ماكرون بعد الهجوم الإرهابي على نيس: هذا إرهاب إسلامي نبثق بسبب إيمانا بالحرية وقيم التعايش.. وغنحاربو الفكر المتطرف باش ما قدينا ونحميو حقوق المواطنين فممارسة معتقداتهم كيفما كانت

عفراء علوي محمدي- كود//

لقى الرئيس الفرنسي إيمانويل ماكرون الخطاب ديالو، اليوم الخميس، على خلفية الاحداث الإرهابية فمدينة نيس، اللي ماتو فبها 3 ديال الأشخاص وتجرحو فيها بزاف.

وقال ماكرون، فالخطاب اللي بثاتو القنوات الفرنسية، كيف تبث فالصفحة الرسمية للرئيس، أن هذ الهجوم كيدخل فإطار الإرهاب الإسلامي، اللي استهدف الكاتوليك فكنيسة “نوتردام”، وأنها هذي المرة الثالثة اللي كيضرب فيها الإرهاب نيس بطريقة وحشية، وهذشي علاش خاص دعم ساكنة هذ المدينة والتضامن معها.

وقال أن فرنسا والقيم ديالها مع حرية التدين والمعتقد، ومن المفروض جميع الأشخاص يكونو محميين فممارسة العقائد ديالهم، كيف ما كانت، ويشكلو جميع المواطنين الفرنسيين وحدة واحدة.

وشاف أن السبب فهذ الهجوم هو دفاع فرنسا على قيم الحرية والتعايش وتسامح بين مختلف الفئات، والدفاع حرية الاعتقاد او عدم الاعتقاد ومحاربة الفمر المتطرف، “وهذشي علاش حنا ماغانستسلموش ومانادمين على حتى حاجة”، حسب كلامو. 

وقال أن فرانسا اعتمدات 3000 مقاوم لمراقبة التراب الوطني وحماية المواطنين من الإرهاب، ودابا غادي تعتمد 7000 واحد، باش يخليو الناس تمارس الديانات ديالها فأمان وظروف مزيانة، وطالب الحكومة ووزارة الداخلية باش تتحرك لتطبيق هذشي. 

وختم خطابو بالقول: “كاينة ففرنسا كومينوتي وحدة، هي الكومينوتي الوطنية، وهي اللي كتجمع جميع الفرنسيين باختلاف ادنيانهم وتوجهاتهم، وهذشي علاش خاص نتضامنو ونحاربو الانفصال والفكر المتطرف ودعمو المتضررين من هذ الأعمال الإرهابية، ونساهمو فوحدة فرنسا…”

موضوعات أخرى

05/12/2020 19:30

منظمة الصحة العالمية : خاص الڤاكسان ضد “كورونا” يوصل لجميع الناس فكل البلدان فالعالم .. و”نظرية المؤامرة” كتساهم فانتشار الفيروس

05/12/2020 19:00

المغربية هاجر مصنف المتوجة بجائزة ” Women Tech 2020 ” كشفات على مشاريعها فالذكاء الاصطناعي وصرحات لـ”كود”: هذي مفخرة لكل النساء المغربيات ودليل على أن المرا المغربية قادرة تعطي فجميع المجالات

05/12/2020 18:30

فرنسا جرات على 66 متطرف و صيفطاتهم لبلاداتهم. وزير الداخلية الفرنسي : هادي غي البداية مازال غادي نرحلو خوانجية آخرين .. لاليست طويلة