الرئيسية > آراء > ماكانفهمش الناس لي عندهم نوستالجيا للمغرب ديال السبعينات و الثمانينات ! و كايقوليك “الزمن الجميل” الله آ حنيني منين جاه الجمال ؟ ياك كان غا القمع و الجّوع و الأمية و الگملة فموسطاش الراجل قد الطوبّة ! أحسن وقت كانعيشوها فالمغرب هي دابا! بنادم كايسكن فدار فيها دوش سخون و كايعمر الضراس عند الدونتيست ! العيالات كايخدمو عوض يشدو النوبة باش يهبطو للحفرة دلالة عيشة !
01/12/2023 19:00 آراء

ماكانفهمش الناس لي عندهم نوستالجيا للمغرب ديال السبعينات و الثمانينات ! و كايقوليك “الزمن الجميل” الله آ حنيني منين جاه الجمال ؟ ياك كان غا القمع و الجّوع و الأمية و الگملة فموسطاش الراجل قد الطوبّة ! أحسن وقت كانعيشوها فالمغرب هي دابا! بنادم كايسكن فدار فيها دوش سخون و كايعمر الضراس عند الدونتيست ! العيالات كايخدمو عوض يشدو النوبة باش يهبطو للحفرة دلالة عيشة !

ماكانفهمش الناس لي عندهم نوستالجيا للمغرب ديال السبعينات و الثمانينات ! و كايقوليك “الزمن الجميل” الله آ حنيني منين جاه الجمال ؟ ياك كان غا القمع و الجّوع و الأمية و الگملة فموسطاش الراجل قد الطوبّة ! أحسن وقت كانعيشوها فالمغرب هي دابا! بنادم كايسكن فدار فيها دوش سخون و كايعمر الضراس عند الدونتيست ! العيالات كايخدمو عوض يشدو النوبة باش يهبطو للحفرة دلالة عيشة !

سهام البارودي- كود//

شي ناس ماكايتفهموش ليا كيفاش كايفكرو ! من نيتو كايتحسر على المغرب ديال السبعينات و الثمانينات و كايقوليك “الزمن الجميل ” و منين جا لبوه شي جمال آ حنيني ؟
ياك كان غا القمع و الزلط و الأمية و الجهل، الاغلبية د المغاربة ماقاريينش و غارقين وسط الخرافة و الجهل كايتجاراو باش يديو المرفودة لمولاي بوعزَة و يتفرجو فشي عيساوي كايشرب الما طايب من المقراج ! ايه المغاربة ديال 2023 ماشي كلهم قاريين و حتى لي قاري فيهم كاين لي مازال حتى هوا غارق وسط الجهل و لكن ماشي فحال السبعينات و الثمانينات ! مايمكنش نقارنو ديك الوقت بهاد الوقت !

-كان الزلط و الجوع و الاغلبية الساحقة ماكايشبعوش فكرشهم، و لي قرا الخبز الحافي ديال محمد شكري غايكون شاف كيفاش الناس كانو كاياكلو من الطوارو د الزبل واحد الوقت فالمغرب ! الناس دوزو الجوع د بصح و مازال الاثر ديالو على النفوس ديالهم و ديال ولادهم لدابا ! اما دابا الحمد لله مع اليوتوب و تيكطوك و المخطط الاخضر كلشي واكل البيتزا كلشي شارب العصير دلاڤوكا ! تدخل لأي براكة فالفطور فرمضان غاتلقى السردين و البريوات و الحريرة و الحليب واتاي شحال هادي كان بنادم قاهرو غا الخبز واتاي ! اللحم كايشوفو غا من العيد للعيد ! دابا الحمد لله بانيني ديال لاداند يفاريها بروتينات!

-كان القمع، غي بوليسي ديال الطريق يقدر يمرمدك و لا حليتي فمك يلصق ليك شي اهانة موظف و يغبّرك و شحال من واحد غبر و لدابا مالقاوش ليه الاثر ! دابا لا كاين الحقوق و الانسان يقدر يهضر و يدافع على راسو ! و الڤيديوات فاليوتوب عامرين بالمواطينين لي كايوجهو نداءات مباشرة لسيدنا و للحموشي باش يتدخلو يحلو ليهم مشاكلهم !
-كانو المغاربة كايلبسو الدرابل الحوايج ماشي فمتناول الجميع ، دابا الحمد لله الشينوا وفرو ليك نايك كوبرا بعشرالاف ريال فدرب غلف ! الجواكط و المونطويات و السبرديلات كلشي موجود فالجوطيات و الحوانت ابتداءا من درهم !

– كان بنادم قاهرو غا الوسخ و الگمل ، الديور مافيهمش الدوشات و لابغيتي تغسل خاصك تمشي للحمام هادشي فالمدن الكبرى اما البوادي الگملة كاتلقاها گد الطوبة فموسطاش الراجل

-المغاربة لي عايشين دابا راهم محظوظين بزاف اكثر من جدودهم و جدود جدودهم ! عايشين فوقت الاطباء و العلم و الانترنيت و نيتفليكس و التجارة الاليكترونية و تيك طوك ! الماكلة موجودة، الكرارس د الديسير عامرين، بنادم كايصور ڤلوگ من براكة و فاطر بجوج بيضات و الفرماج و الزيت البلدية بينما شحال هادي البيض راه كان وجبة كاتجتامع عليها العائلة !

-الانسان يمكن يتحاور مع واليديه و المعلم ماعندوش الحق يضرب التلميذ ! في حين شحال هادي كانو شي معلمين كايعلقو التلاميذ و يسلخوهم و يعلقو ليهم بلاكة فيها “انا حمار” و يساريوهم على الاقسام ! و فاش يشكي على باه ينوض يجندخو حتى هوا !

تا راه المغاربة دوزو الحرب و القتال فديك السبعينات و الثمانينات هادشي علاش مايمكنش انسان سوي نفسيا يتحسر على ديك السنين السوداء لي نتجات لينا اجيال مريضة معاقة، خرجات على المغرب و يا الله يا الله بدا يتعافى منها بفضل الاجيال الجديدة.

موضوعات أخرى

21/02/2024 19:50

المفتش العام للقوات المسلحة الملكية وقائد المنطقة الجنوبية تلاقى قائد القيادة الأمريكية ف إفريقيا  USAFRICOM (تصاور)

21/02/2024 19:00

بالنسبة للعيالات المغربيات الكاسك والتغوتينيت من اهم اختراعات لي خدمات تكافئ الفرص للمرأة مع الرجل من بعد أقراص منع الحمل طبعا

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب