كود – كازا ///

قالت تقارير إعلامية إسبانية، بللي البيلوط الأوكراني اللي طاح مع ريزو كيهرب الحشيش ف إيليكوبترات بين المغرب والصبليون كان كياخذ 150 ألف يورو على كل رحلة، وأضافت التقارير ذاتها، أن زعماء الريزو كانو كيجمعو البياس ديال هاذ الإيليكوبترات من أجزاء قديمة ديال مروحيات ف الجمهوريات الاشتراكية السوفياتية الأخرى.

وأسفرت عملية مشتركة بين الجدارمية ديالنا ولاگوارديا سيپيل، مؤخرا، عن اعتقال 9 ديال المشتبه بهم ف تأسيس ريزو إجرامي متخصص في الاتجار الدولي فالحشيش وتهريب كميات منو عبر إيليكوبترات من المغرب إلى إسبانيا.

ومن بين الموقوفين 2 بيلوطات متخصصين ف الطيران الليلي وعلى ارتفاعات منخفضة. وبدا التحقيق ف القضية ف 2023، بعد رصد عضو ف الريزو كيقلب على طيارين قادرين على القيام برحلات جوية بين إسبانيا والمغرب..