مصطفى المزابي -كود حد سوالم //

جدارمية حد السوالم طيحو البارح الاحد 28 ابريل 2024 فالعشية 5 شينوا فيهم مرا. هادو تشدو فڤيلا بحد سوالم. هاد العصابة او المافيا مختصة فقرصنة المكالمات الهاتفية وابتزاز اشخاص بعض تصويرهم كيمارسو الجنس. دابا هاد الشي ديال الپيراطاج ديال المكالمات راه هو المس بنظم المعالجة الآلية للمعطيات الرقمية فالقانون.

لقاو الجدارمية عندهم فلوس كثيرة بالاضافة ل100 الف كارط سيم ديال شركات الاتصالات اللي خدامة فالمغرب وعدد من التلفونات وكل الوسائل اللي كتحتاجو مافيات بحال هادي.

وفق ما علمته “كود” هادو كلهم داروهم تحت تدابير الحراسة النظرية وكيخضعو دابا للبحث القضائي باشراف النيابة العامة المختصة.

دابا التحقيقات توصلنا لخيوط هاد المافيا