الرئيسية > كود سبور > ماغديش نمشيو لطوكيو…المنتخب الأولمبي تقصا وبوميل قريب يطير
10/09/2019 19:40 كود سبور

ماغديش نمشيو لطوكيو…المنتخب الأولمبي تقصا وبوميل قريب يطير

ماغديش نمشيو لطوكيو…المنتخب الأولمبي تقصا وبوميل قريب يطير

كود سبور//

مرة اخرى، المنتخب الأولمبي ماغيش يمشي الألعاب الاولمبية، بعدما تقصا اليوم (الثلاثاء) على يد منتخب مالي فالروتور.

المنتخب الأولمبي اقل من 23 سنة توقفت الرحلة ديالو في التصفيات الإفريقية في باماكو، حيث انهزم بهدف لصفر من ضربة جزاء.

المغاربة كانوا كينتظروا وجه جديد للمنتخب الاولمبي، بعد المستوى المتواضع، لي ظهر بيه في مراكش أمام منتخب مالي منظم بشكل جيد.

المنتخب الأولمبي قاوم في الشوط الأول، وكان بإمكانه التسجيل بواسطة يوسف التصيري، لكن منتخب مالي أكد مرة أخرى أنه يستحق التأهل، لحقاش قوي ومنضبط، وأكثر من هادشي كامل عندو لعابة محترفين ومنسجمين.

باتريس بوميل فشل في أول اختبار ليه كمدرب رسمي، بعدما اشتغل لسنوات كمدرب مساعد لهيرفي رونار.

الجامعة عيناتو مدربا للمنتخب بلاصت الهولندي مارك ووت، وكانت كتعتفد أنه غادي يضيف شي حاجة حدبدة، لكن ما توفقش.

ودابا الجامعة واش غادي تطيروا وله كتغطيه فرصة أخرى واخا ماأهلناش.

المنتخب ما غاديش يمشي الألعاب الأولمبية للمرة الثانية على التوالي، بعدما غاب عن ريو دي جانيرو 2016.

موضوعات أخرى