وكالات//

فواحد المشهد نادر بزاف للي عدد ديال الناس متيقوهش، بان زعيم كوريا الشمالية كيم جونغ اون لأول مرة وهو كيبكي، إيه اسيدي كيبكي.

الدكتاتور الكوري الشمالي لي معروف بالصلابة والصرامة ديالو فوق من القياس ولي كيديرشي غلطة حداه كتكون حياتو مهددة، بان لأول مرة وهو كيبكي وكيمسح دموعو.

لا واكثر من داكشي خلا القناة الرسمية ديال البلاد أنها تصورو وتبينو للشعب ديالو كيبكي.

البكاء ديال الزعيم الدكتاتور كان بمناسبة الحضور ديالو لواحد اللقاء مع الأمهات الكوريات الشماليات كان على موضوع الولادة والصحة الإنجابية ديالهم.

هادشي خلا بزاف ديال الناس كتسول على كيفاش وعلاش كيم جونغ أون تأثر وبكا وعلى السباب لي خلاه يكون ف هاد الحالة.