الرئيسية > تبركيك > ماعندوش الوجه علاش يحشم.. سعد لمجرد المتهم فقضايا الاعتداء الجنسي باغي يركب على الدين ويسجل الآذان بصوتو
21/01/2021 19:00 تبركيك

ماعندوش الوجه علاش يحشم.. سعد لمجرد المتهم فقضايا الاعتداء الجنسي باغي يركب على الدين ويسجل الآذان بصوتو

ماعندوش الوجه علاش يحشم.. سعد لمجرد المتهم فقضايا الاعتداء الجنسي باغي يركب على الدين ويسجل الآذان بصوتو

نجوى المالحي – كود //

المغني المغربي سعد لمجرد فعلا ما بقاش عندو علاش يحشم، قالك بغا يسجل الأغاني الدينية والآذان بصوتو ويخلّيه صدقة جارية عليه.

سعد لمجرد لي غارق حتى للوذنين في قضايا الاعتداء الجنسي، وباقي ما فك حتى حريرتو مع القضاء الفرنسي قال انه غادي يعطي الآذان  للقنوات فابور  وما غاديش يتخلص فيه، بحال الا هو “النقشبندي” والناس واقفة عليه.

هادشي لي دار سعد لمجرد، ولي علن عليه في قناة إماراتية، الدولة الوحيدة لي باقة كتقبل عليه، سميتو “دغدغة المشاعر” ديال الناس، لّي للأسف كيتأثرو بأي حاجة فيها القرآن والدين واخا وراها شخص متهم ماشي مرة ماشي جوج بالاغتصاب.

في هاد الساعة الصدقة الوحيدة لي يقدر يدير لمجرد هي يمشي يجيب براءتو من القضايا لي متابع فيها، عاد ممكن يتصالح مع الرأي العام، أما حتى جمهورو فتابعين جيلالة بالنافخ وصافي.

موضوعات أخرى

27/02/2021 14:30

ها آش كيقول الدستور على استقالة الوزراء وعلاش الاستقالة اللي قدمها الرميد وتراجع عليها من بعد شدات اهتمام السياسيين والاعلاميين؟

27/02/2021 14:00

قتل الكوافور الخاص ديال حكيم زياش بالقرطاس منوض روينة فأمستردام.. و وسائل إعلام: كاين احتمال يستدعيو اللعاب المغربي للمحكمة

27/02/2021 13:30

مريدة أستاذ القانون الدستوري لـ”كَود”: ها علاش النقاش حول استقالة الرميد سابقة فالمغرب وراه ماعندها علاقة بالتضامن الحكومي

27/02/2021 13:20

العلاقات بين الرباط و نواكشوط.. فوج من مندوبية الحماية المدنية الموريتانية غايستافد من تجربة الوقاية المدنية المغربية فتدريب لمدة شهرين

27/02/2021 13:00

جابت الذهبية ومكرموهاش وكرمو لي جابو الفضية. اقصاء تلميذة من تكريم وزارة التعليم نوض روينة فمواقع التواصل ووصل لمساءلة الوزير