كازا ـ كود//

أفادت صحيفة “daily mail” أن رجل أعمال بريطاني مات وهو فعطلة فالمغرب مع صاحبتو، وعائلتو ماعرفات لاكفاش مات ولافين تدفن.

وأضافت الصحيفة البريطانية أن عائلة الرجل البريطاني الين ماكينا، مول 47 عام بغات إجابات ولاجثة ولدها.

وأوضحت أنه كان فعطلة فالمغرب مع صاحبتو المغربية ماجدة مولات 25 عام ففبراير من هاد السنة وجاتو نوبة قلبية، إلا أنه وبحسب عائلتو ماتوصلو لا بشهادة الوفاة ولا بتقرير الطبيب الشرعي.

وقال والد السيد ماكينا، آلان مورهد، إنه تلقى مكالمة فيديو من السيدة ماجدة ف 22 فبراير، وشاف الجثة ديال ولدو فالخلفية.

وذكرت التقارير أنه تم دفنه بعد يومين من وفاته قبل ماتسافر صاحبتو للمملكة المتحدة باش تقاد الأمور، ولكن ماتمش تحديد مكان الدفن.

وقال متحدث باسم وزارة الخارجية لصحيفة “ميل أون لاين”: “نحن ندعم عائلة رجل بريطاني بعد وفاته في المغرب ونحن على اتصال بالسلطات المحلية”.