الرئيسية > آراء > ماعجبنيش الحنكليس ديال مهدية ماشي حيت على شكل حنكليس و لكن حيت حتى كحنكليس راه مامتقونش و خايب ! و كيما كاين تماثيل زوينة فمصر و بيروت و تونس حتى القنيطرة تستاهل شي تمثال متقون راه ماشي اللعب هذا !
20/09/2020 13:00 آراء

ماعجبنيش الحنكليس ديال مهدية ماشي حيت على شكل حنكليس و لكن حيت حتى كحنكليس راه مامتقونش و خايب ! و كيما كاين تماثيل زوينة فمصر و بيروت و تونس حتى القنيطرة تستاهل شي تمثال متقون راه ماشي اللعب هذا !

ماعجبنيش الحنكليس ديال مهدية ماشي حيت على شكل حنكليس و لكن حيت حتى كحنكليس راه مامتقونش و خايب ! و كيما كاين تماثيل زوينة فمصر و بيروت و تونس حتى القنيطرة تستاهل شي تمثال متقون راه ماشي اللعب هذا !

سهام البارودي – كود//

بلا بكا بلا شكا ! التمثال ديال الحوت د مهدية مازوينش و مامتقونش ! وواخا كون جاب السنسول لي مازال عندو فالدار و ركبو كان غايبقا التمثال ناقص! فحال التمثال ديال التيجيفي لي كاين حدا المحطة د التران !
كايعجبني فن النحت ، و فاش كانمشي لشي بلد عربي و لا اوروبي كانوقف و نشوف التماثيل لي كايزينو الزناقي و نصورهم و نتصور معاهم و نقرا داك الديسكريبتيف لي كايكون مكتوب حداهم !

النحت فن جميل، و من ديما كانسول راسي واش المغاربة مخاصمين مع التماثيل ؟ واش كاين شي سبب مخلينا ماعندناش تماثيل شخصيات تاريخية مثلا سواء حقيقية او ميثولوجية ؟ واش المجالس البلدية ماكاتفركش تستعمل التماثيل لاعطاء واحد الجمالية للمدن المغربية و ماشي غير الجمالية ، حتى مسألة تاريخ حيت كاين عندنا تاريخ كبير و شخصيات عظيمة دازت من هاد الارض تستاهل نتفكروها و يشوفوها وليداتنا.

بالنسبة للحنكليس ديال مهدية انا شخصيا ماعجبنيش و مشيت طالعت على اعمال النحات لي فايت دار باش نعطيه فرصة قبل مانحكم عليه و لكن تاهوما ماعجبونيش ! جاوني فيهم لمسة الهواية ! مامصروعينش كيما داكشي لي كانشوف على برا ! وانا متأكدة بلي فالمغرب كاينين نحاتين لي يقدرو يخدمو خدمة متقونة و جميلة ! و لكن الديفو ماشي فالنحات بوحدو حيت هوا دار داكشي لي كايعرف يدير الديفو فمجلس المدينة لي كايكور و يعطي للعور ! و يمكن انه كايعتابر فحال هاد الاعمال خضرة فوق طعام داكشي علاش كايدوزها لاي واحد يخدمها ! في حين انه فحال هاد المشاريع خاصهم لجنة مخصصة فيها ناس كايفهمو فالفن و التاريخ بجوج باش يختارو احسن حاجة تقدر تمثل ديك المدينة و اجملها! و ينظمو طلبات عروض و يخليو ديك الساعة المنافسة الشريفة تلعب دورها باش لي غايدير شي تمثال يكون عندو ما يكفي من الكفاءة باش يتقنو.

موضوعات أخرى

19/10/2020 16:00

تارة يكون الاتحاد الاشتراكي مدرسة وطورا يكون نهرا! نهر ادريس لشكر يشفط أعضاء التقدم والاشتراكية في مراكش

19/10/2020 15:00

كيفاش حباسة فالمانيا ولاو “نجوم” التلفزيون والعمل الاحساني فنشاط غير مرخص وممنوع زمن الجايحة. الزعيترات ولاو كيفرقو الگفة بحال سيدنا. صافي سدات مادام